Esperanto
Hejmpaĝo > Instruado > ILEI-Francio > Kongreso Esperanto-Edukado
cet article en français : Congrès mondial Éducation 2019

Kongreso Esperanto-Edukado

JPEG - 516.1 kb

La 52a internacia kongreso pri Esperanto kaj Edukado okazos en Ĉaĉak, Serbio, de la 13a ĝis la 20a de julio 2019.

Kongreso en Ĉaĉak 13-20 julio 2019

Ĝin organizas la Internacia Ligo de Esperantistaj Instruistoj (ILEI).

Ĉiuj instruistoj, kursgvidantoj kaj homoj kiuj interesiĝas pri edukado estas invititaj partopreni ĝin.

Por veturi al la UK en Lahtio (Finnlando) post la kongreso en Ĉaĉak funkcias rekta flugo de AirSerbia inter Beogrado kaj Helsinko la 20an de julio.

Aliĝu tuj !

Dokumentoj
ĝeneralaj informoj pri la kongreso
aliĝilo
kongresaj servoj (loĝado, manĝado…)
mendilo de kongresaj servoj (loĝado, manĝado…)

Antaŭkongreso en Beogrado 10-13 julio 2019

Jen la informoj de Radojica Petroviĉ, Serbio, Estrarano pri kongresoj de ILEI

Por tiuj, kiuj atingos Serbion ĝis la 10/11-a de julio, aŭ eble eĉ pli frue, la plano estas pasigi du komunajn tagojn en Beogrado (ĵaŭdon kaj vendredon, 11-12 julio) por vidi kaj sperti ĝin kiom eblas dum du tagoj, kaj sabaton matene, la 13-an de julio, ekveturi per luita bus(et)o al Ĉaĉak, ne rekte, sed vzitante ĉirkaŭvojajn vizitindaĵojn de centra Serbio. Eĉ se vi atingos Beogradon iom poste, la 11-an aŭ 12-an de julio, vi povas aliĝi al la grupo kaj pagi nur por la restinta parto de la programo.

Kion sperti en Beogrado ?

Kalemegdan

La fortikaĵo kaj parko sur la monto super kunfluejo de Savao kaj Danubo, Kalemengdan estas siaspeca subĉiela muzeo de la pasinteco, kulturhistoria komplekso entenanta militajn kaj ekleziajn konstruaĵojn kaj monumentojn el longa periodo ekde la Romaj tempoj ĝis hodiaŭ.

Skadarlija

Siaspeca Beograda Montmartre, strato de poetoj, aktoroj kaj muzikistoj, situanta en la urbocentro, ĝi konservas la aspekton kaj spiriton de malnova Beogrado. En ĝiaj kafejoj, kun gustoj kaj aromoj de serba gastronomio kaj sonoj de suspirveka muziko, ekestis la plej belaj versoj de serba poezio kaj melodioj de la tradiciaj urbaj kantoj. Por nia grupo estas planata komuna vespermanĝo tie ĵaŭdon vespere. Alian vesperon aliloke.

Muzeoj

  • De Nikola Tesla
  • Nacia
  • Etnografia
  • Armea (sur Kalemegdano)
  • ...

Avala

Apuda monto (altitudo 511 m, alteco rilate al la ĉirkaŭa tereno : 200 m), unu el simboloj de Beogrado, kun Munumento al Nekonata Heroo kaj 204 metrojn alta televida turo havanta restoracion je la 119-a metro kaj elvidejon je 122, krom propra beleco proponas rigardon al granda parto de Serbio norde kaj sude de Danubo.

Promenekskursoj tra la stratoj de Beogrado promesas promenon tra ĝia jarmila historio.

Kaj multo alia, kion vi ekscios surloke.

Kotizo : 0 EUR/USD/CHF/GBP/RSD... Surloke vi pagos la realajn kostojn de antaŭkongresaj programeroj kaj servoj.

Loĝado

Bonvolu mem elekti kaj rezervi kie vi tranoktos en Beogrado. Eble plej facilas per booking.com . Ni rekomendas serĉi ion proksime de la placo Slavija (vidu la aldonitan mapon) ĉar tien veturigas la flughavena buso kaj proksimas al plejparto de vizitotaj lokoj. Pri la cetero zorgos LKK.

Amike, por LKK kaj ILEI,
Radojica
— 

Proksime de Slavija
JPEG - 304.5 kb
JPEG - 155.2 kb
JPEG - 82.2 kb
JPEG - 92 kb
JPEG - 202.3 kb
JPEG - 380.1 kb
JPEG - 377.2 kb

En la sama rubriko: